Մոտ 10 մահմեդական հոկտեմբերի 14-ին հավաքվել են Google-ի լոնդոնյան գրասենյակի մոտ` հույս ունենալով այդ կերպ ստիպել ընկերության ղեկավարությանը YouTube-ից հեռացնել «Մահմեդականների անմեղությունը» հոլովակը:Սակայն ընկերությունը նրանց խնդրանքին ականջ չի դրել եւ չի պատրաստվում հեռացնել հոլովակը: Մահմեդականության հետեւորդները խոստացել են շարունակել բողքի ակցիաները ողջ աշխարհում:

Google-ի բրիտանական գրասենյակի առջեւ բարիկադ է կառուցվել եւ կեսօրին այնտեղ են հավաքվել մարդկանց բազմություն, որոնց  ցուցանակներին գրված է. «Մենք մեր կյանքից ավելի ենք սիրում մեր մարգարեին» եւ «Մուհամեդ մարգարեն ազատ խոսքի հիմնադիրն է»:

Բողոքի ակցիայի կազմակերպչի խոսքով, հետագա ակցիաները տեղի կունենան աշխարհի տարբեր երկրներում Google ընկերութան գրասենյակի մոտ:

YouTube ընկերության ներկայացուցիչը, մեկնաբանելով  բողոքի ակցիան, ասել է, որ ինքն ու իր գործընկերները փորձում են ստեղծել այնպիսի հասարակություն, որտեղ յուրաքանչյուրը կարող է հաճույք ստանալ եւ սեփական միտքը հայտնել:

Հիշեցնենք, որ «Մահեդականների անմեղութունը» 15 րոպեանոց ֆիլմում Մուհամեդ մարգարեն  հանդես է գալիս արյունարբու կնատյացի, անառակի դերում: Ֆիլմը անկարգություններ են առաջ բերել մահմեդական բազմաթիվ երկրներում, ինչը մարդկային զոհերի է հանգեցրել: