նախընտրելի դարձնել
Հովհաննես Այվազովսկու, Կոնստանտին Կորովինի, Ալեքսեյ Սավրասովի, Կոնստանտին Սոմովի եւ այլ նկարիչների աշխատանքները կներկայացվի MacDougall`s աճուրդի տունը՝ Լոնդոնի Ռուսական արվեստի շաբաթվա շրջանակում, որն ավանդաբար բրիտանական մայրաքաղաքում անցկացվում է նոյեմբերի վերջին:
Հայտնի ծովանկարիչ Այվազովսկու կտավներից աճուրդի կհանվի 1859 թվականի «Լուսնյակ գիշեր Ղրիմում» կտավը: Նախնական գինը 120-180 հազար ֆունտ է, հաղորդում է «ՌԻԱ Նովոստին»:
Ալեքսեյ Սավրասովից, որը բավական հազվադեպ է աճուրդներում հայտնվում, ներկայացվելու է «ձկնորսները Վոլգայում» կտավը (նախնական գինն է 350-500 հազար ֆունտ): Կոնստանտին Կորովինի 1915 թվականին նկարված «Կուսկովոյի լճակը» կտավը գնահատել են 450-600 հազար ֆունտ: Կներկայացվի նաեւ Նիկոլայ Բոգդանով-Բելսկու «Աշխատելիս>> նկարը (120-180 հազար ֆունտ):
Աշխատանքների մեծ մասը, բացի Սավրասովի կտավից, կցուցադրվեն Մոսկվայում` նոյեմբերի 2-4-ը, Զուբովի Տագանկայի տանը: Լոնդոնյան աճուրդները տեղի կունենան նոյեմբերի 25-ին եւ 28-ին:
