նախընտրելի դարձնելՌուսաստանցի ընդդիմադիր, «Ձախ ճակատի» համակարգող Սերգեյ Ուդալցովը Քննչական կոմիտեում հարցաքննությունից հետո ձերբակալվել է՝ կապված «Բողոքի անատոմիա-2» ֆիլմի հետ:
«Սերգեյն SMS է ուղարկել. «Բռնվեք: Ինձ փակում են»»,- Ուդալցովի Twitter-ի միկրոբլոգում գրել է նրա կինը՝ Անաստասիան:
Ավելի ուշ «Հանուն արդար ընտրությունների» միկրոբլոգում հաղորդագրություն է հայտնվել. «Պաշտոնական: Ուդալցովը ձերբակալվել է: Առայժմ 48 ժամով: Շաբաթ ժամը 12-ին ցույց է», հայտնում է «Ռոսբալտը»:
Ինչպես գրում է «Մոսկովսկի կոմսոմոլեցը», Սերգեյ Ուդալցովի ձերբակալման մասին որոշում կայացվել է նրա բնակարանի խուզարկությունից եւ ՔԿ-ում նրա հարցաքննությունից հետո: Նա առայժմ 48 ժամով է ձերբակալվել: Նրան կալանավորելու մասին որոշումը դատարանը կկայացնի առաջիկա 2 օրում:
Հիշեցնենք, որ ՔԿ-ն Ուդալցովի եւ եւս 2 հոգու դեմ քրեական գործ էր հարուցել՝ կապված «Բողոքի անատոմիա-2» ֆիլմի հետ: Մասնավորապես, ֆիլմում պնդվում է, որ ընդդիմադիրները մտադիր են եղել դրսի ֆինանսավորմամբ իշխանության բռնազավթում իրագործել:
