Արեւմտյան Վրաստանում, Չիատուրա նահանգում  հանքափորների եւ բանվորների  գործադուլի հետ կապված չեն աշխատում հանքավայրերն ու գործարանները: «Georgian Manganese» ընկերության հանքափորների գործադուլի պատճառով  կաթվածահար է եղել հինգ հանքերի եւ երեք գործարանների աշխատանքը:

Հանքափորներն ու աշխատողները պահանջում են աշխատավարձն ավելացնել 100%-ով:  Գործադուլին ընդհանուր առմամբ մասնակցում է  3,7 հազ. մարդ: Այդ մասին  «Նովոստի-Գրուզիային» ասել է «Վրացական երազանքի» ներկայացուցիչ Մալխազ Ծերեթելին: Նրա խոսքով` աշխատավարձի 10% բարձրացման մասին ընկերության վարչակազմի առաջարկությունը գործադուլավորների համար անթույլատրելի է: Չի բացառվում, որ առաջիկայում նրանք կտրուկ քայլերի կդիմեն, օրինակ, կփակեն երկաթուղին:

Ներկայումս լեռնագործների միջին  աշխատավարձը 150-180 դոլար է: