նախընտրելի դարձնելՎրաստանի Կենտրոնական ընտրական հանձնաժողովը ամփոփել է հոկտեմբերի 1-ին Վրաստանում կայացած խորհրդարանական ընտրությունների արդյունքները` ստորագրելով վերջնական հաշվետվությունը:
Հաշվետվության մեջ մտցված վերջնական տվյալների համաձայն «Բիձինա Իվանիշվիլի- Վրացական երազանք» ընտրական բլոկը հավաքել է ձայների 54, 97 տոկոսը, նրա օգտին քվեարկել են 1 միլիոն 181 հազար 863 ընտրող: «Միասնական ազգային շաժում» կուսակցությունը հավաքել է 40,34 տոկոս ձայն, որի համար քվեարկել են 867 հազար 432 ընտրող: Մնացած կուսակցություները չեն կարողացել հատել 5 տոկոսի սահմանը, հաղորդում է «Պիկ» հեռուստաընկերությունը: Ընտրություններում ընտրողների ակտիվությունը կազմել է 59 տոկոս, ընտրություններին մասնակցել է 2 միլիոն 150 հազար 197 մարդ:
Կենտրոնական ընտրական հանձնաժողովի վերջնական արդյունքներով «Վրացական երազանքը» ստացել է Վրաստանի խորհրդարանի 150 տեղերից 85-ը, «Ազգային շարժումը»` 65 մանդատ, նշում է «Նովոստի-Գրուզիան»:
Նոր խորհրդարանի առաջին նիստը տեղի կունենա հոկտեմբերի 21-ին Քութաիսիում:
