Նիգերիայում ` Մայդուգուրի քաղաքի սենատորի տանը, ձերբակալվել է իսլամիստական «Բոքո Հարամ» խմբավորման բարձրաստիճան անդամներից մեկը: Այդ մասին հայտնում են  երկրի զինված ուժերի ներկայացուցիչները: 

Հետախուզման մեջ գտնվող Մոհամեդ Բենին ձերբակալել են  հատուկ գործողութան ընթացքում:  Հետախուզական ծառայությունը  տեղեկություն էր ստացել, որ կասկածյալը գտնվում է սենատորի տանը, հայտնում է «gazeta.ru»-ն:

«Բոքո Հարամը»  նիգերական ծայրահեղական իսլամիստական խմբավորում է, որի գլխավոր նպատակը ամբողջ Նիգերիայի տարածքով շարիաթ տարածելն է եւ արեւմտյան կենսակերպն արմատախիլ անելը:

Նիգերիայի հյուսիսային եւ կենտրոնական մասում վերջին 3 տարիներին «Բոքո Հարամի»  գործողությունները հանգեցրել են ավելի քան 3 հազար մարդու մահվան։