նախընտրելի դարձնել
Նոյեմբերի 2-ին ամերիկյան շուկայում Apple ընկերությունը սկսում է iPad պլանշետի կոմպակտ մոդելի վաճառքը: Վաճառքի մեկնարկի օրը հայտնել է TechCrunch կայքը:
Ինչպես սպասվում է Apple-ը հոկտեմբերի 23-ին ասուլիս կհրավիրի, որը նվիրված կլինի iPad-ի կոմպակտ տեսակին: Ընկերությունը արդեն լրատվամիջոցների ներկայացուցիչներին ուղարկել է միջոցառման հրավերը, որը նշված օրը տեղի կունենա Սան-Խոսեում (Քալիֆորնիա):
Գերմանական ոչ պաշտոնական տվյալներով, մինի-iPad-ը ունի 7,85 դյույմ անկյունագիծ` 9,7 դյույմի փոխարեն, որը օգտագործում է Apple-ը իր պլանշետների համար: Ենթադրվում է, որ ԱՄն-ում 8 ԳԲ հիշողությամբ մոդելի արժեքը կսկսվի 249 դոլարից:
Wall Street Journal ամսագրի տվայլներով, Apple-ը iPad-ի նոր մոդելի համար մեծ պահանջարկ է ակնկալում եւ ասիացի իր գործընկերներից մոտ 10 միլիոն օրինակ է պատվիրել, փոխանցում է ՌԻԱ Նովոստին:
Ավելի վաղ հաղորդվել էր, որ Apple ընկերությունը չի կարողանա հոկտեմբերին 17-ին ներկայացնել իր 7,85 դյույմ անկյունագծով iPad Mini պլանշետը` Ասիայում արտադրության հետ անսպասելիորեն ծագած խնդիրների պատճառով: Այս մասին հայտնել է Digitimes պարբերականը , վկայակոչելով էլեկտրոնիկայի արտադրության ասիական ոլորտի իր աղբյուրները: հետաձգումը անդրադարձել է նրա արտադրանքի մի քանի տեսակներին: Առանձին խոսելով iPad Mini-ի մասին` պարբերականը նշում է, որ ընկերությունը որոշ դժվարություններ ունի սարքի պատյանի հետ, գրում է CyberSecurity.ru-ն:
