նախընտրելի դարձնել
Կուբայի նախկին առաջնորդ Ֆիդել Կաստրոն հանրությանն է ներկայացել լավ ինքնազգացողությամբ: Այդ մասին AFP գործակալությանը հայտնել է Վենեսուելայի նախկին փոխնախագահ Էլիաս Խաուան` այդպիսով հերքելով կուբայական հեղափոխության առաջնորդի ծանր հիվանդության մասին լուրերը:
Ֆիդել Կաստրոն «իրեն լավ է զգում», հայտարարել է վենեսուելացի քաղաքական գործիչը` կուբայական հեղափոխակաների հետ հոկտեմբերի 20-ին կայացած 5-ժամանոց հանդիպումից հետո: Ժողովից հետո Կաստրոն հյուրին ուղեկցել է «Նասիոնալ» հյուրանոց, որտեղ լուսանկարվել է անձնակազմի հետ, գրում է «lenta.ru»-ն:
Այդ տեղեկությունը հաստատում է նաեւ Associated Press-ը: Գործակալությունը, վկայակոչելով հյորանոցի ծառայողներին, հայտնում է, որ Կաստրոն իրենց մոտ եղել է կես ժամ, շփվել անձնակազմի հետ:
Հյուրանոցի ներկայացուցիչը նշել է, որ մոտ ժամանակներս մտադիր են հրապարակել Կաստրոյի նոր լուսանկարները:
Ինչպես հայտնում է ԻՏԱՌ-ՏԱՍՍ-ը, կուբայական հեղափոխության առաջնորդ Ֆիդել Կաստրոն մասնակցել է ժողովրդական իշխանության տեղական ինքնակառավարման ընտրություններին, որոնք տեղի են ունեցել հոկտեմբերի 21-ին:
Չնայած նա անձամբ չի գնացել ընտրատեղամաս քվեարկելու, սակայն նա ուղարկել է իր քվեաթերթիկը:
Կուբայի նախկին առաջնորդ Ֆիդել Կաստրոն կաթված էր ստացել: Ըստ վենեսուելացի բժիշկ Խոսե Մակինայի` Կաստրոն ոչ ոքին չէր ճանաչում: Մարկինան ենթադրել էր, որ Կաստրոն այդ վիճակում կարող է մնալ շաբաթներ:
