նախընտրելի դարձնելԴ`Օնդտի մեթոդով «Բարգավաճ Հայաստան» խմբակցությունը խորհրդարանական Գյուղատնտեսական եւ բնապահպանական հարցերի մշտական հանձնաժողովի ղեկավարի պաշտոնում առաջադրել է պատգամավոր Մարտուն Գրիգորյանի թեկնածությունը:
Այդ մասին այսօր` հոկտեմբերի 22-ին, խորհրդարանի նիստում հայտարարել է «Բարգավաճ Հայաստան» խորհրդարանական խմբակցության ղեկավար Նաիրա Զոհրաբյանը:
Ելույթ ունենալով խորհրդարանի առաջ` թեկնածուն նշել է, որ հանձնաժողովի ղեկավարի պաշտոնում իր ընտրվելու դեպքում պարտավորվում է խորացնել հանձնաժողովի եւ հասարակական կազմակերպությունների միջեւ աշխատանքային հարաբերությունները, ինչպես նաեւ աշխատել թափանցիկ եւ արձագանքել բարձրացված բոլոր հացերին:
Նշենք, որ այդ պաշտոնում նա կփոխարինի Սամվել Բալասանյանին:
Իր հերթին Նաիրա Զոհրաբյանը նշել է, որ «Բարգավաճ Հայաստան» խմբակցությունը հետեւողական կլինի գյուղատնտեսական եւ բնապահպանական հարցերում, եւ խորհրդարանին կոչ է արել քվեարկել իրենց թեկնածուի օգտին:
