նախընտրելի դարձնելՃապոնական բջջային NTT Docomo-ն նոյեմբերի 1-ին բաց կթողնի հեռախոսային զրույցները թարգմանող ծառայություն: Ծառայության աշխատանքը ցուցադրվել է CEATEC ցուցահանդեսի ժամանակ: Ծառայության օգնությամբ տարբեր լեզուներով խոսող բաժանորդները կկարողանան իրար հետ շփվել ` չդիմելով «կենդանի» թարգմանչի օգնությանը:
Ծառայությունից օգտվել կկարողանան միայն Android 2.2 եւ ավելի վաղ տարբերակի սմաթֆոններ ունեցողները: Դրա համար նրանց անհրաժեշտ կլինի հատուկ հավելված տեղադրել: Խոսակցության ժամանակ բաժանորդը ոչ միայն կլսի իր զրուցակցի նախադասությունների թարմանությունները, այլ նաեւ թարգմանված տեքստը կտեսնի իր հեռախոսի վրա: Ընդ որում թարգմանությունը միշտ չէ, որ ճիշտ կլինի, գրում է «Լենտա.ru»-ն:
Բաց թողնման պահին ծառայությունը դեռեւս կապահովի ճապոներենից անգլերեն եւ կորեերեն, չինարեն թարգմանությունները եւ հակառակ ուղղությամբ: Հետագայում լեզուների ցուցակը կընդլայնվի:
Ավելի վաղ` հոկտեմբերի 11-ին NTT Docomo-ն Android-ի համար թողարկել է սրճարանների եւ ռեստորանների մենյուների օտարալեզու ցուցակների թարգմանության ծառայություն: Թարգմանության համար անհրաժեշտ է հեռախոսի տեսախցիկով լուսանկարել տեքստը:
