նախընտրելի դարձնել«ժառանգություն» խմբակցությունում կատարվողը համաշխարհային պատերազմ չէ, որպեսզի որեւէ մեկը կատարվածի «զոհ» դառնա: Այդ մասին NEWS.am-ի թղթակցի հետ զրույցում հայտարարել է «Ժառանգություն» խորհրդարանական խմբակցության եւ «Ազատ դեմոկրատներ» կուսակցության անդամ Ալեքսանդր Արզումանյանը` մեկնաբանելով այն, ինչ տեղի է ունենում խմբակցությունում:
«Դա սովորական գործընթաց է, դաշինքն ստեղծվել էր «Ազատ դեմոկրատներ» եւ «Ժառանգություն» կուսակցությունների, ինչպես նաեւ հանրային հատվածի հիման վրա: Մարտավարական նկատառումներից ելնելով` «Ազատ դեմոկրատներ» կուսակցությունը որոշել էր խորհրդարանական ընտրություններին մասնակցել «Ժառանգության» ցուցակում: Ընտրություններից անմիջապես հետո, երբ ձեւավորվել էր «Ժառանգություն» խմբակցությունը, որոշվել էր, որ այդ խմբակցությունը վերը հիշատակված կուսակցությունների եւ հանրային հատվածի դաշինքն է: Այժմ էլ հայտարարվել է այն մասին, որ Քոքոբելյանն այլեւս չի ներկայացնում «Ժառանգություն» խմբակցությունը: Դե ինչ, լավ: Մենք կմնանք «Ժառանգություն» խմբակցության կազմում, սակայն կներկայացնենք «Ազատ դեմոկրատները»: Այսինքն, մենք կարտահայտենք միայն «Ազատ դեմոկրատների» տեսակետը», - նշել է Արզումանյանը:
Ի պատասխան հարցին, թե որ պահից է դաշինքում տարանջատում տեղի ունեցել, Արզումանյանը նշել է, որ դա վերջին 2 ամիսների իրադարձությունների հետեւանքն է: «Դա միջանձնական ճակատում միմյանց չհասկանալու հետեւանքն է, ինչը քաղաքական ուժերին հարիր չէ»:
Լուսանկարը` Սոնա Բարսեղյանի
