նախընտրելի դարձնելՎրաստանի իրավապահ մարմինները կարող են սկսել փաստերի սեփական ուսումնասիրությունները, որոնք մեծ արձագանք են գտել ՆՏՎ հեռուստաընկերության եթերով ցուցադրված «Բողոքի անատոմիա-2» ֆիլմից հետո: Վրաստանի խրհրդարանական անվտանգության կոմիտեի նախկին ղեկավար, պատգամավոր Գիվի Թարգամաձեն կարող է դառնալ քրեական գործի գլխավոր անձ: Այս մասին, ինչպես հաղորդում է ռուսական «Կոմերսանտ» թերթը, հայտնել է «Վրացական երազանք» հաղթած բլոկի առաջնորդներից մեկը` Սոզար Սուբարին:
Ինքը` Թարգամաձեն Հոկտեմբերի 22-ին լրագրողներին հայտնել է, որ «Ձախ ճակատի» ակտիվիստներից ոչ մեկի հետ չի հանդիպել եւ բանակցություններ չի վարել, սակայն պատրաստ է «ռուսական ըդդիմության հետ կիսվել խաղաղ հեղաշրջման փորձառությամբ»,-գրում է պարբերականը:
Ինչպես ավելի վաղ հայտնել էր NEWS.am-ը, ՆՏՎ-ի եթերում հոկտեմբերի 5-ի երեկոյան ցուցադրված «Բողոքի անատոմիա-2» ֆիլմը բուռն արձագանք է առաջացրել ռուսական հանրության շրջանում: Շատ փորձագետներ հայտարարել են, որ հատուկ ծառայությունները եւ իրավապահ մարմինները պետք է ստուգեն ֆիլմի բովանդակությունը, իսկ ընդդիմադիրները հերքել են արտասահմանից գումար ստանալու եւ իշխանության բռնազավթում իրականացնելու մասին տեղեկատվությունը:
Փաստերը, որոնք ներկայացվում են ֆիլմում, հիմք են դարձել «Ձախ ճակատ»-ի համակարգողներ Սերգեյ Ուդալցովի, նրա համախոհ Կոնստանտին Լեբեդեւի, պատգամավոր Իլյա Պոնոմարյովի օգնական Լեոնիդ Ռոզվոզժաեւի նկատմամբ քրեական գործ հարուցելու համար: Կ. Լեբեդեւին եւ Լ. Ռոզվոզժաեւին դատարանը երկու ամսվա կալանք է նշանակել: Ս. Ուդալցովը ստորագրությամբ ազատ է արձակվել: ՆՏՎ-ի տվյալներով, նշված բոլոր ակտիվիստները Մինսկում հանդիպել են Գ. Թարգամաձեի հետ, որտեղ քննարկվել է ռուսական բողոքի ֆինանսավորման հարցը:
