Սանկտ Պերետբուրգում ոստիկանների վրա հարձակման  ժամանակ  տղամարդ է գնդակահարվել, հաղորդում է  Ռուսաստանի քննչական  կոմիտեն: Life News-ի  տվյալներով, զոհվածի անունը Աֆղան Ռասուլով է:  Նա եղել է «Կիշ-Միշ»  ռեստորանային ցանցի  ղեկավարը:

Հոկտեմբերի 22-ի լույս 23-ի գիշերը ոստիկանություն է զանգահարել 31-ամյա մի կին, ով հայտնել է, որ  անծանոթ տղամարդը իրեն քարշ է տվել Տավիչյան փողոցի տներից մեկը, բռնաբարել է եւ շարունակում է փակի տակ պահել: Նշված հասցեով ջոկատ է ուղարկվել:

Միջացքում ոստիկանները հանդիպել են Աֆղան Ռասուլովին (հետագայում պարզվել է, որ նա բռնացողի եղբայրն է): Գործարարը կրակ է բացել  վնասվածքային զենքից, մեկ ոստիկան վիրավորվել է: Պատասխան կրակից տղամարդը սպանվել է, հաղորդում է «Լենտա.ru»-ն:

Այնուհետեւ բնակարանի դուռը բացվել է, որի ետեւում հայտնաբերվել է Ռասուլովի եղբայրը եւ բռնության ենթարկված կինը:

Խուզարկության ժամանակ ոստիկանները հայտնաբերել են բռնաբարության ապացույցներ եւ բույսերի տեսակներ, որոնք հավանաբար թմրեցուցիչ են եղել: