նախընտրելի դարձնել
Եգիպտոսի Արտաքին գործերի նախարարությունն օտար երկրներում իր դիվանագետներին զգուշացրել է ձեռնպահ մնալ 100 դոլարը գերազանցող ոչ ցանկալի նվերներից: Այս մասին հոկտեմբերի 23-ին լրագրողներին հայտնել է ԱԳՆ-ի պաշտոնական ներկայացուցիչ Ամր Ռաշիդը:
Նա տեղեկացրել է, որ նման ծանուցում ուղարկվել է բոլոր դեսպանատներին, հյուպատոսարաններին եւ Եգիպտոսում միջազգային կազմակերպությունների ներկայացուցչություններին, ինչպես նաեւ օտարերկյա եգիպտական դիվանագիտական լիազորություններին:
Դիվանագետի խոսքով, եթե եգիպտացի դիվանագետին տրվող նվերի արժեքը գերազանցի նշված արժեքը, ապա «հարգանքի այդ նշանը» կփոխանցվի պետական գանձարան, փոխանցում է ՌԻԱ Նովոստին:
ԱԳՆ-ի հրամանը տարածվում է եգիպտական բոլոր պաշտոնյաների վրա, ովքեր աշխատում են դիվանագիտական ծառայությունում` անկախ զբաղեցրած պաշտոնից եւ դիրքից: Հաշվի չի առնվում եւ այն հանգամանքները, թե արդյոք նվերը ստացվել է եգիպտական պատվիրակության արտասահմանյան այցի, թե Եգիպտոսում օտարերկրյա ներկայացուցիչների հետ հանդիպման ժամանակ:
