նախընտրելի դարձնելՆախագահ Ջոն Քենեդիի եւ Լինդոն Ջոնսոնի վարչակազմի պաշտպանության նախարար Ռոբերտ Մակնամարայի անձնական արխիվը աճուրդի ժամանակ վաճառվել է ավելի քան մեկ միլիոն դոլարով: Այս գումարը մեծապես գերազանցել է Sotheby`s աճուրդի տան սպասելիքները:
Գլխավոր իրերը դարձել են գրասենյակի երկու աթոռները, որտեղ խորհրդակցել են Քենեդիի մերձակա խորհրդականները: Ժակլին Քենեդիի կողմից ստորագրված նամակի հետ միասին աթոռները վաճառվել են 146,5 հազար դոլարով: Մամուլի արծաթե թղթապանակը, որի վրա փորագրված է Կարիբյան ճգնաժամի տարեթիվը, որը Մակնամարային նվիրել է նախագահ Քենեդին, վաճառվել է 95, 5 հազար դոլարով: Ազատության նախագահական շքանշանը, որով Մակնամարան պարգեւատրվել է 1968 թ-ին, վաճառվել է 34 հազար դոլարով: Պաշտպանության նախարարի պաշտոնում Մակնամարայի նշանակման հրամանագիրը, որը ստորագրվել է Քենեդիի եւ պետքարտուղար Դին Ռասկի կողմից, վաճառվել է 20 հազար դոլարով:
Հավաքածուի վաճառքը, որոնք ներառում են նամակներ, փաստաթղթեր, լուսանկարներ եւ Մակնամարայի անձնական իրերը, նվիրվել է Կարիբյան ճգնաժամի 50-ամյակին, որն աշխարհը միջուկային պատերազմի սահմանին էր հասցրել: Մակնամարան գլխավորել է ԱՄՆ-ի ռազմական նախարարությունը 1961-1968 թթ-ը: Նա նաեւ մեծ ջանքեր է գործադրել, որպեսզի ԱՄՆ ներքաշվի Վիետնամի դեմ պատերազմի մեջ, որը հետագայում Մակնամարան անվանել է «Հիմար եւ թանկարժեք սխալ»:
