Թուրքիայում  սելավի հեղեղը մարդկային զոհերի պատճառ է դարձել: Թուրքիայի հյուսիս-արեւմուտքի Կիրիկալե նահանգում զոհվել է երեք անդամից բաղկացած ընտանիքը, այդ թվում  անչափահաս երեխա: Մի քանի մարդ վիրավորվել է,  տաս մարդ անհետ կորած է համարվում:

Նահանգում անձրեւները  չեն դադարում արդեն մի քանի օր շարունակ: Այժմ դեպքի վայրում աշխատում են  զինվորները եւ  փրկարարները:

Ինչպես «Ազատություն» ռադիոկայանին հայտնել է նահանգի ներկայացուցիչ Գյունայ Օզթուրքը, մի քանի գյուղ անցել է ջրային հեղեղի տակ: Իշխանությունները հասցրել են տարհանել  բնակիչների մեծ մասին:

Ինչպես հայտնում են թուրքական թերթերը, հեղեղվել են տասնյակ տներ, հոսանքատար գծեր, մայրուղիներ: Հարեւան Թեքիրդաղ նահանգում  ջրի տակ են հայտնվել  գյուղանտնեսական նշանակության մի քանի հարյուր հա տարածքներ: Տեղեկություն է տարածվել անասունների զանգվածային կորստի մասին: Իշխանությունները չեն բացառում, որ ջրի նահանջից հետո կհայտնաբերվեն բոլոր անհետ կորածների մարմինները: