նախընտրելի դարձնել
Մոսկվայի արեւմուտքում գողացել են Ֆաբերժե ֆիրմայի ձու: Ոսկերչական իրից բացի, Նեժինկսի փողոցում գտնվող մասնավոր հիվանդանոցից տարել են նաեւ կենցաղային սարքավորումներ:
Ինչպես հաղորդում է «Ինտերֆաքսը», հանցագործությունը տեղի է ունեցել հոկտեմբերի 23-ի գիշերը: Հանցագործները բացել են մուտքի դռան կողպեքը, առեւանգվել են պլազմային հեռուստացույց, նոթբուք, սրճեփ մեքենա, գումար եւ Ֆաբերժե ֆիրմայի ձու: Գողոնի արժեքը ներկայումս ճշգրտվում է:
Թանկարժեք քարերով զարդարված ոսկուց եւ արծաթից պատրաստված ձվի տեսքով ոսկերչական իրերի նշանավոր շարքը ստեղծվել է 1885-1917 թթ-ին ռուս ոսկերիչ Կառլ Ֆաբերժեի կողմից: Բացառիկ իրերը ստեղծվել են ռուսական կայսերական ընտանիքի համար, որոնք նվիրվել են որպես զատկական նվեր: Ընդունված է համարել, որ Ֆաբերժեն եւ նրա վարպետները ստեղծել են 71 ձու, որոնցից 52-ը կայսերական է համարվում:
