նախընտրելի դարձնելFacebook սոցիալական ցանցի բաժնետոմսերը հոկտեմբերի 24-ի վաճաքի ժամանակ բարձրացել են միանգամից 19 տոկոսով` բորսայի պատմության մեջ գրանցելով լավագույն արդյունքներից մեկը: Այժմ Facebook-ի մեկ բաժնետոմսը գնահատվում է 23 դոլար, թեեւ ողջ հոկտեմբերի ընթացքում ցանցի արժեքավոր թղթերը գտնվել են 20-22 դոլարի շրջանակում:
Ներդրողների տրամադրության վրա ազդել է Facebook-ի եռամսյակային հաշվետվությունը, որը ընկերության կողմից հրապարակվել է հոկտեմբերի 23-ի բորսայի փակումից հետո: Ներդրողները անմիջապես սկսել են գնել սոցիալական ցանցի արժեքավոր թղթերը էլեկտրոնային վաճառքի ժամանակ, արդյունքում ոգեւորությունը տարածվել է նաեւ հոկտեմբերի 24-ի վաճառքի նկատմամբ, որի ընթացքում մեկ բաժնետոմսի գինը հասել է 24 դոլարի:
Facebook-ի հաշվետվության մեջ ասվում է, որ սոցիալական ցանցը շարունակում է արագ քայլերով աճել ինչպես ֆինանսական ցուցանիշներով, այնպես էլ նոր, ակտիվ օգտատերերի ներգրավմամբ: Այսպիսով, եռամսյակում սոցիալական ցանցի եկամուտը կազմել է ավելի քան միլիարդ դոլար, հաղորդում է «Լենտա.ru»-ն:
Ինչպես հաղորդել է BFM.RU , վկայակոչելով Forbes-ը, ընկերության բաժնետոմսերի արժեքի ավելացման շնորհիվ Facebook-ի գլխավոր տնօրեն եւ հիմնադիր Մարկ Ցուկերբերգի կարողությունը ավելացել է 1,8 միլիարդ դոլարով:
