Եվրախորհրդարանի պատգամավորները  կոչ են արել Եվրամիության Նախարարների խորհրդին Ստրասբուրգում այլեւս  լիագումար նստաշրջաններ չիրականացնել: Նման առաջարկի նպատակը  միջոցների խնայողությունն է, ասվում է ԵԽ-ի  2013 թ-ի բյուջեի  բանաձեւի մեջ:

Նշվում է, որ  ամիսը մեկ պատգամավորները  եւ եվրախորհրդարանի անձնակազմը  մեկնում է Բրյուսելի գրասենյակ` Ստրասբուրգի արտագնա նստաշրջանին մասնակցելու համար, իսկ մամուլը  հիմնականում այն անվանում է «շարժական կրկես»:

ԵԽ բոլոր նստաշրջանները բելգիական մայրաքաղաքում անցկացնելու կողմնակիցները վստահեցնում են, որ Ստրասբուրգյան ճանապարհորդությունից  հրաժարումը թույլ կտա խնայել տարեկան 180 միլիոն դոլար, ինչը կազմում է ասամբլեայի տարեկան բյուջեի 20 տոկոսը:

Ինչպես պարզաբանում է «ՌԻԱ Նովոստին», Լիսաբոնյան համաձայնագրի համաձայն ԵԽ նստաշրջանների անկցակցման վայրի մասին որոշումը  ընդունվում է նախարարների Խորհրդի կողմից: Ֆրանսիան եւ Գերմանիան մինչ հիմա  դեմ են եղել  Ստրասբուրգի դահլիճից հրաժարվելու որոշմանը, հայտնելով, որ Էլզասի մայրաքաղաքը, որպես ԵԽ նստաշարջանների անցկացման վայր, հանդիսանում է պատերազմից հետո նրանց միջեւ հաստատված խաղաղության խորհրդանիշ: