նախընտրելի դարձնել
Ռուսաստանն աջակցում է Հայաստանի եւ Ադրբեջանի ԱԳՆ ղեկավարների` Փարիզում կայանալիք հանդիպումը: Այս մասին 1news.az-ին հայտնել է Ադրբեջանում Ռուսաստանի դեսպան Վլադիմիր Դորոխինը:
Նրա խոսքով, բանակցություններին այլընտրանք չկա, եւ ԵԱՀԿ Մինսկի Խմբի համանախագահող երկրներից մեկը հանդիսացող Ռուսաստանը ողջունում է Հայաստանի եւ Ադրբեջանի ԱԳՆ ղեկավարների հանդիպումը: Նա նաեւ նշել է, որ տվյալ հանդիպման անցկացումը ոչ միայն Ֆրանսիայի, այլ նաեւ ԵԱՀԿ Մինսկի խմբի բոլոր համանախագահների նախաձեռնությունն է:
«Ադրբեջանի եւ Հայաստանի ԱԳՆ ղեկավարների միջեւ հանդիպումը համաձայնեցված է ԵԱՀԿ Մինսկի Խմբի համանախագահների հետ: Եվ ԵԱՀԿ Մինսկի Խմբի համանախագահներից մեկը հանդիսացող Ռուսաստանը նույնպես ակտիվորեն մասնակցել է կայանալիք հանդիպման կազմակերպմանը»,-ընդգծել է Դորոխինը:
