ԱՄՆ-ի նախագահ Բարաք Օբաման եւ առաջիկա ընտրություններում  նրա մրցակից  հանրապետական Միթ Ռոմնին նախընտրական փուլի ամեն վայրկյան  ծախսում են 27 դոլար: Նման հաշվարկ է արել CNBC հեռուստաընկերությունը:

Լրագրողները վերլուծել են  ԱՄՆ-ի Դաշնային ընտրական հանձնաժողովի  վերջերս ներկայացրած  հաշվետվությունը, որի համաձայն այն գումարը, որը ծախսվել է  2011 թ.-ի հունվարից միչեւ 2012 թ.-ն ընկած ժամանակահատվածը  նախագահի պաշտոնի համար ընթացող նախընտրական  նպատակով, կազմել է 1,5 մլրդ դոլար: Այսպիսով, Օբաման եւ Ռոմնին նախընտրական քարոզարշավի համար ծախսում են ամսական 70 մլն դոլար, օրական 2,3 մլն դոլար  եւ 26,86 դոլար վայրկյանում: Այս գումարի  մեծ մասը ծախսվում է հեռուստագովազդի վրա, փոխանցում է «Վեստի.ru»-ն:

Ռոմնին համեմատաբար առավել համեստ է ներկայանում: Նշված ժամանակահատվածում նրա ծախսերը  կազմել է մոտ 700 մլն դոլար, իսկ Օբաման  ծախսել է ավելի քան 775 մլն դոլար: CNBC-ի հաշվարկների համաձայն, Սպիտակ տան գործող ղեկավարը ամեն ընտրողի վրա ծախսում է  5,33 դոլար, իսկ նրա մրցակիցը` 4,8 դոլար:

Փորձագետներն այս նախընտրական կամպանիան արդեն ճանաչել են  ԱՄՆ-ի պատմության մեջ ամենաթանկարժեքը:  Համեմատության համար ասենք, որ 1980 թ.-ին Ջիմմի Քարտերը եւ նրա մրցակիցը` Ռոնալդ Ռեյգանը նախընտրական նպատակներով ծախսել է  ընդհանուր առմամաբ 528 մլն դոլար: 20 տարի անց` 2000 թ.-ին Ջորջ Բուշ կրտսերը եւ Ալբերտ Գորը` 899 մլն դոլար: