նախընտրելի դարձնելՄոտ 80 անապահով ընտանիքների ներկայացուցիչներ հոկտեմբերի 25-ին գրավել են Թբիլիսիի Նաջալադեւի շրջանի հարկային ծառայության շենքը: Քանի որ այստեղ են գտնվում կարեւոր փաստաթղթեր, ծառայության ղեկավարությունը պաշտպանության խնդրանքով դիմել է իրավապահ մարմինների օգնությանը:
Ավելի ուշ, դեպքի վայր է ժամանել գաղթականների հարցով նոր նախարար Դավիդ Դարախվելիձեն: Նա տեղի ունեցածի ողջ պատասխանատվությունը գցել է Թբիլիսիի քաղաքապետարանի ու սոցիալական ապահովության ծառայության վրա, հաղորդում է«Գրուզիա Օնլայնը»
Շենքը գրովողները մինչ այժմ գտնվում են այնտեղ: Նախարարը խնդրել է չմտնել այն սենյակներ, որտեղ պահվում են կարեւոր նշանակության փաստաթղթեր:
Այսօր` հոկտեմբեիր 26-ին, Հյուսիսային Օսեթիայից ու Աբխազիայից գաղթած գաղթականները փորձել են գրավել Գլդան քաղաքի մարզական դպրոցի նախկին շենքը, սակայն անհաջող: Ինչպես հայտնում են գաղթականները, իրենք նախկինում ապրել են այդ շենքում, սակայն վերանորոգումներ կատարելու պատրվակով, Սպորտի ու երիտասարդության հարցերով նախարարությունը դուրս է հանել նրանց: Դպրոցը հսկում են ոստիկանները:
