նախընտրելի դարձնելԱՄՆ-ի պետքարտուղար Հիլարի Քլինթոնը մտադիր է թողնել պաշտոնը` անկախ նոյեմբերի 6-ի նախագահական ընտրությունների արդյունքներից, հայտարարել է նա հոկտեմբերի 26-ին` իր 65-ամյակի օրը:
Քլինթոնը նշել է, որ ցանկանում է «իր մնացած կյանքը» նվիրել միջազգային քաղաքականությունից ավելի հանգիստ զբաղմունքների, գրում է The Washington Times-ը:
Ամերիկյան լրագրողները պետքարտուղարի խոսքերից զգացել են, որ նա չի պատրաստվում «այրել կամուրջները»: The Washington Times-ի լրագրողի հետ զրույցում Քլինթոնն ընդգծել է, որ դեռեւս Բարաք Օբամայի հետ չի խոսել իր հրաժարականի մասին:
Ամերիկյան առաջնորդն իր հերթին բարձր է գնահատում պետքարտուղարի աշխատանքը: Ըստ նրա` նախարարը «գերազանց աշխատանք» է կատարել եւ արժանի է պաշտոնին մնալու: Սակայն դրա հետ մեկտեղ, ըստ Բարաք Օբամայի, ինքը չի կարող համոզել Հ. Քլինթոնին, գրում է rbc-ն:
Պետքարտուղարի պաշտոնում Քլինթոնի վերջին օրերը մթագնվել էին Լիբիայում ամերիկյան դեսպանի սպանությամբ: Դիվանագետի սպանությունը վերածվել էր քաղաքական ներքին մեծ սկանդալի:
