նախընտրելի դարձնելՆյու Յորքում ձերբակալվել է գործարար Փոլ Չելյան` Facebook սոցկայքի զավթման նպատակով փաստաթղթերի կեղծման մեղադրանքով: Նրան սպառնում է մինչեւ 20 տարվա ազատազրկում, հայտնում է Reuters-ը:
Ամերիկյան գործարար Փոլ Չելյան 2010 թվականին իրավունք է ներկայացրել Facebook սոցկայքի 84% բաժնետոմսերի նկատմամբ: Իր պահանջը նա հիմնավորել է պայմանագրով, որը նա կնքել էր սոցկայքի հիմնադիր եւ գլխավոր տնօրեն Մարկ Ցուկերբերգի հետ`2003 թվականին: Ըստ պայմանագրի` Ցուկերբերգը ստացել է 1000 դոլար, իսկ Չելյան բաժնետոմսերի 50% -ը, գրում է «lenta.ru»-ն:
Համակարգի թողարկումը նախատեսված էր 2004 թվականի հունվարի 1-ին, սակայն իրագործվել է միայն փետրվարի 4-ին: Ըստ պայմանագրի` հետաձգված յուրաքանչյուր օրվա համար Չելյան ստացել է ընկերության 1 տոկոս բաժնետոմս: Թողակման օրը, ըստ նրա, ինքը դարձել է 84%-ի բաժնետեր:
2011 թվականի օգոստոսին Facebook-ի փաստաբաններն ապացույցներ էին ներկայացրել, որ 2003-ի պայմանագիրը կեղծ է եղել: Ըստ փաստաբանների` իսկական պայմանագրում Facebook ընկերությունը չի հիշատակվում, այլ խոսվում է Փոլ Չելյային պատկանող StreetFax ընկերությանը ծրագրավորող Ցուկերբերգի մատուցած ծառայությունների մասին:
