Ամերիկյան Մասաչուսեթս նահանգում  արժեթղթերի շուկայի գլխավոր  կարգավորողը Citigroup բանկին տուգանել է 2 միլիոն դոլարով՝  Facebook-ի IPO-ից առաջ գաղտնի տեղեկատվության արտահոսքի համար: Citi-ն համաձայնել է կարգավորել իրավիճակը` չմեկնաբանելով իրեն ներկայացված մեղադրանքները: 

Citi-ն այն բանկերի կազմում է, որոնք  Facebook-ի բաժնետոմսերի նախնական տեղակայման ապահովագրողներ էին հանդես գալիս: Ինչպես հայտնում է  Associated Press-ը, Citigroup-ի կրտսեր վերլուծաբանը, որը նշանակվել էր Facebook-ի ուսումնասիրության համար, էլեկտրոնային նամակ է ուղարկել TechCrunch.com կայքի 2 աշխատակիցներին`  Facebook-ից ստացված տեղեկությամբ: Ըստ որոշ տվյալների` նա առաջարկել է բանկի ուսումնասիրությունը լրատվամիջոցների հրապարակման համար` վկայակոչելով   անանուն աղբյուրին: Սեպտեմբերին Citigroup-ն աշխատանքից հեռացրել էր կրտսեր վերլուծաբանին եւ հայտարարել, որ  նա միայնակ է գործել, գրում է  «gazeta.ru»-ն:

Հիշեցնենք, որ մայիսի 18-ի IPO-ի օրը Facebook-ի բաժնետոմսերի աճուրդը հետաձգվեց 30 րոպեով` NASDAQ-ոմ տեխնիկական անսարքության հետեւանքով: Ստացվել էր այնպես, որ  ներդրողների հայտերը չէին հասցնում մշակել մի քանի ժամվա ընթացքում:

Աճուրդի ընթացքում տուժել էին ներդրողները եւ բրոքեր ընկերությունները, որոնք որպես միջնորդ էին հանդես գալիս:

Բրոքերների կորուստները գնահատվում են 100 միլիոն դոլար: Շուկայի աղբյուրները նաեւ հայտնել են, որ Citigroup-ի եւ UBS-ի բրոքերյան  ստորաբաժանումները կորցրել են 20-ական միլիոն դոլար: