ԱՊՀ երկրների ղեկավարների խորհրդի հերթական նիստը, որը նախատեսվում էր իրականացնել նոյեմբերի  սկզբին Աշգաբադում, հետաձգվում է  «Ներկայումս  գագաթնաժողովի  անցկացման օրերը ճշգրտվում են` համաձայնեցվելով Համագործակցության երկրների ղեկավարների հետ»,- «Ինտերֆաքս-Զապադա» գործակալությանը հայտնել է Մինսկի ԱՊՀ Գործադիր կոմիտեն: Գործադիր կոմիտեն չի պարզաբանել  հետաձգման պատճառները:

Միեւնույն ժամանակ Ղրղզստանի  դիվանագիտական շրջանակների աղբյուրները գործակալությանը հայտնել են, որ ԱՊՀ  երկրների ղեկավարների գագաթանժողովը տեղի կունենա Աշգաբադում դեկտեմբերի սկզբին: Նրա խոսքով,  հանդիպման ճշգրիտ օրը  դեռեւս չի հաստատվել:

Reuters գործակալությունը կրկին ենթադրել է, որ  հետաձգման պատճառ կարող է լինել  ռուս նախագահի  առողջության հետ կապված խնդիրները:

Հիշեցնենք, որ  գործակալությունը, վկայակոչելով  իր աղբյուրները, ավելի վաղ հայտնել էր, որ  Վլադիմիր Պուտինը արտասահմանյան այցելությունները հետաձգել է առողջական խնդիրների պատճառով: Մասնավորապես, Պուտինը հետաձգել է Հնդկաստան, Պակիստան եւ Թուրքիա կատարվելիք այցերը: Փորձագետները  նման որոշումը բացատրում են բացառապես  քաղաքական պատճառներով, իսկ Կրեմլը հետաձգումները բացատրում է  ռուսական կողմի ոչ բավարար պատրաստվածությամբ:

Մինչդեռ նախագահի շրջանակներին մոտ կանգնած Reuters-ի աղբյուրները հայտնում են, որ Վլադիմիր Պուտինը  լուրջ խնդիրներ ունի  մեջքի շրջանում եւ հնարավոր է , որ վիրահատական միջամտության կարիք կունենա: Ոչ ոք այս տեղեկատվության մասին չի հայտնում, գրում է NEWSru.com-ը: Տեսաբանները նշում են, որ 60-ամյա քաղաքական գործչի մոտ առողջական խնդիրների ընդունումը, ով որպես երկրի առաջին դեմք 13 տարի շարունակ ապրում է խիտ օրակարգով, հավասար է մաչոյի կերպարի կործանման, ով կուլտիվացվել է վերջին տասնամյակներին: