նախընտրելի դարձնելԱհաբեկչական «Ալ Կաիդայի» խմբավորման առաջնորդ Այման ալ-Զավահարին մահմեդականներին կոչ է արել առեւանգել ԱՄՆ-ի եւ Եվրոպական երկրների քաղաքացիներին: «Ալ Կաիդայի» ղեկավարի նկարահանած 58 րոպեանոց տեսագրությունը տարածվել է ջիհիդական ֆորումներում եւ թարգմանվել է ԱՄՆ-ի հատուկ ծառայությունների կողմից:
AFP գործակալության հայտարարության համաձայն, ալ-Զավահարին հայտնել է, որ պատերազմը դեռ չի ավարտվել, այլ միայն նոր է սկսվում: «Ես կոչ եմ անում հավատացյալներին առեւանգել եւ գերեւարել այն երկրների քաղաքացիներին, ովքեր պատերազմում են մահմեդականների դեմ: Միայն այսպես մենք կարող ենք հասնել Գուանտանամոյում բանտարկված մեր հավատացյալ երբայրների ազատությանը, քանի որ այդ երկրների իշխանությունները միայն ուժի լեզուն են հասկանում»,-ասել է նա:
Ինչպես նշում է LifeNews-ը, սա ահաբեկիչների առաջնորդի` եվրոպացիների եւ ամերիկացիների նկատմամաբ բռնություն գործադրելու առաջին կոչը չէ: Ավելի վաղ նա արդեն հանդես է եկել Բենգազիում ԱՄՆ-ի դեսպանի սպանության հեղինակների արարքի խրախուսմամբ եւ առաջարկել է հետեւել նրանց օրինակին:
Այման ալ-Զավահարին «Ալ Կաիդայի» առաջնորդ է դարձել 2011թ-ին` Բեն Լադենի սպանությունից հետո: Գրոհայինը անընդմեջ հանդես է գալիս բոցաշունչ ճառերով, որոնք սպառնալիքներ են պարունակում ԱՄ-ի եւ Իսրայելի հասցեին:
