նախընտրելի դարձնելԱՄՆ-ի Սենատի դեմոկրատական մեծամասնության ղեկավար Հարի Ռիդը վթարի է ենթարկվել, երբ իրար են բախվել 6 մեքենա:
Վթարը տեղի է ունեցել ուրբաթ օրը` հոկտեմբերի 27-ին Նեւադա նահանգի մայրուղու վրա:
72-ամյա սենատորը անմիջապես հիվանդանոց է տեղափոխվել: Վթարի հետեւանքով նա թեթեւ վնասվածքներ է ստացել: Սենատորի կյանքին վտանգ չի սպառնում:
72-ամյա սենատորի` մի քանի մեքենաներից բաղկացած շարասյունը անցնում էր Լաս Վեգասի միջով, երբ մեքենաներից մեկը բախվել է քաղաքացիական մեկ այլ մեքենայի: Վթարի ժամանակ իրար են բախվել ընդհանուր առմամբ 6 մեքենա:
Սա ԱՄՆ-ում քաղաքական գործչի մասնակցությամբ առաջին վթարը չէ: Այս տարվա սեպտեմբերին Ֆլորիդայում վթար է տեղի ունեցել Բարաք Օբամայի շարասյան մասնակցությամբ, որի ժամանակ զոհվել է նախագահի պահակախմբի մոտոցիկլետիստներից մեկը: Այս տարվա օգոստոսին նախագահի թեկնածու Միթ Ռոմնիի շարասյան երկու ավտոմեքենա Նոր Օռլեանում վթարի են ենթարկվել:
