նախընտրելի դարձնել
Ֆրանսիայի Լիոն քաղաքի մոտ, ֆրանսիական հատուկ նշանակության ջոկատները ձերբակալել են Իզասկուն Լեզակին, ով «ԷՏԱ» կազմակերպության երեք ամենահայտնի պարագլուխներից է: Նրա հետ ձերբակալվել է կազմակերպության եւս մեկ անդամ, որի մասին տեղեկություններ դեռ չի հաղորդվել:
Հիշեցնենք, որ մեկ տարի առաջ բասկերի անջատողական «ԷՏԱ» կազմակերպության ղեկավարությունը պարտավորվել էր դադարեցնել զինված հակամարտությունը Իսպանիայի իշխանությունների հետ: Նախնական տվյալներով, 37-ամյա Լեզակին, ով 2005 թ –ից գտնվում էր փախուստի մեջ, գլխավորում էր «ԷՏԱ» -ի զինվորական ապարատը: Նա կազմակերպության առաջնորդներից մեկն է, ով պարտավորվել էր վերջ դնել զինված պայքարին, հաղորդում է «Ռոսբալթը»:
