Ուկրաինայի խորհրդարանական ընտրություններում Վիկտոր Յանուկովիչի կուսակցության թեկնածուները հաղթել են մեծամասնական ընտրատարածքների մեծ մասում: Ինչպես փոխանցում է ՈՒՆԻԱՆ-ը, ՏԿ-ի թեկնածուները հաղթել են երկրի 27 մարզերից 13-ի`  117  մեծամասնական ընտրատարածքներում:

Գաղութում պատիժ կրող, նախկին վարչապետ Յուլիա Տիմոշենկոյի «Բատկիվշինա» միացյալ ընդդիմության բլոկի թեկնածուները  դեռեւս աառջատար են 28 շրջաններում: Երկրի արեւմտյան 6 շրջաններում հաղթում են  Ուկրաինայի «Ազատություն» ազգային կուսակցությունը, 4 ընտրատարածքներում` Վիտալի Կլիչկոյի «Ուդար» կուսակցության թեկնածուները: Երկու շրջաններում հաղթում են Ժողովրդական կուսակցության եւ «Միասնական կենտրոն»  կուսակցության ներկայացուցիչները: Մեծամասնական ընտրատարածքներում մեկական թեկնածուներ են հաղթել  «Սոյուզ» եւ  «Ուկրաինա առաջ» կուսակցություններից: 63 ընտրատարածքների  առաջատարների անունները դեռեւս անհայտ են:

Շարունակվում է նաեւ Ուկրաինայի Գերագույն Ռադայի ընտրությունների ձայների հաշվարկը: 27,11 տոկոս ձայների մշակումից հետո դեռեւս շարունակում է առաջատար մնալ  Տարածաշրջանների կուսակցությունը` 36,91 տոկոս ձայներով: Երկրորդ տեղում  «Բատիկվշինան» է`20,83 տոկոս ձայներով:

Մեծամասնական շրջաններում իշխող կուսակցության թեկնածուների հաղթանակը ընդդիմադիրների մոտ զրոյացրել է` խորհրդարանում նոր նիստի գումարման եւ  նախագահ Վիկտոր Յանուկովիչի նկատմամբ իմպիչմենտի հնարավորությունը: