նախընտրելի դարձնելԱՄՆ-ն կարեւորում է ռազմական ոլորտում Հայաստանի հետ հարաբերությունների խորացման նշանակությունը: Այս մասին հայտնել է ԱՄՆ-ի ռազմածովային ուժերի քարտուղար Ռեյ Մաբուսը հոկտեմբերի 29-ին Երեւանում Պաշտպանության նախարար Սեյրան Օհանյանի հետ կայացած հանդիպումից հետո:
Նրա խոսքով, փոխադարձ այցելությունները վկայում են երկկողմ հարաբերությունների բարձր մակարդակը, իսկ խաղաղապահ գործունեության ոլորտի համագործակցությունն ու պաշտպանական ոլորտի բարեփոխումները հաջողությամբ առաջ է ընթանում: Ինչպես նշել է Ռեյ Մաբուսը, նրա ղեկավարած գերատեսչության ներկայացուցիչները վերջին երկու տարվա ընթացքում մշակել եւ պատրաստել են զորավարժություններ: «Այս ուղղությամբ աշխատանքները շարունակվում են»,-հայտնել է ԱՄՆ ՌԾՈՒ-ի ներկայացուցիչը, ավելացնելով, որ այս տարի ԱՄՆ-ի Ծովային հետեւակի կորպուսը զորավարժանքներ է իրականացրել, որոնց մասնակցել են հայկական ստորաբաժանումները:
«Աշխատանքների մի մասը նվիրվել են կրտսեր սպայակազմի ձեւավորմանը, որոնցով հռչակվել են ԱՄՆ-ի Ծովային հետեւկայինները»,-նշել է Ռեյ Մաբուսը: Նրա խոսքով, նոր զորավարժություններ են սպասվում:
