Նյու Յորքում, չնայած վատ եղանակին, մեկ տարվա վերանորոգումից  հետո  վերաբացվել է ԱՄՆ-ի գլխավոր խորհրդանիշը` Ազատության արձանը: Հուշարձանի 126-րդ ծննդյան օրը Նյու Յորքի եւ Մանհեթենի ջրատարածքին կրկին հնարավոր կլինի նայել  80 մետր բարձրությունից: Արդեն վաճառվել է հուշարձանի դիտակետի` մինչեւ հունվար ամսվա տոմսերը:

Անվտանգության նոր համակարգի, օդափոխության, վերելակի եւ հաշմանդամների համար նախատեսված հարմարությունների վրա ծախսվել է 30 մլն. դոլար: Սայլակով թագի վրա բարձրանալ դեռեւս չի թույլատրվում, սակայն 47 մետրանոց  հարթակն այժմ հասանելի է: Դեպի թագը տանող պտուտակաձեւ 393 աստիճանները ավելացվել են` դառնալով 354, հաղորդում է «Վեստի.ru»-ն:

Քանդակագործ Ֆրեդերիկ Բարտոլդին  քանդակը հորինել է որպես  «Աշխարհը լուսավորող ազատություն», սակայն  ֆրանսիացիները արձանը նվիրել են  ամերիկացիներին` ԱՄՆ-ի անկախության հռչակագրի  100-ամյակի կապակցությամբ եւ  մինչ օրս այն համարվում է Ազատության լեդի, ով  երկար տարիներ առաջինն է դիմավորում  ներգաղթյալներով նավերը:

Ամեն տարի այս ափ են ժամանում 3,5 մլն. զբոսաշրջիկ: Նրանց մեծ մասին , անգամ վերանորոգումից հետո, ներս մտնել չի հաջողվի: Թագի վրա միաժամանակ կարող են գտնվել միայն 10 մարդ: