նախընտրելի դարձնելԱՄՆ-ի արեւելյան ափերը գրոհած «Սենդի» հազոր փոթփրիկի զոհերի թիվը հասել է 16-ի: Ավելի վաղ հաղորդվել էր 13 զոհի մասին: Ինչպես հայտնում է Chicago Tribune, Նյու Յորքում նահանգում աղետի հետեւանքով զոհվել է 5 մարդ, ինչպես նաեւ Նյու Ջերսի քաղաքների եւ Մերիլենդ, Փենսիլվանիա եւ Արեւմտյան Վիրջինիա նահանգների բնակիչներ:Մարդկանց մահվան հիմնական պատճառ են դարձել ծառերի, ճանապարհային նշանների եւ գովազդային ցուցանակների տապալումները:
Ինչպես փոխանցում է ՌԻԱ Նովոստին, ԱՄՆ-ի արեւելյան ափերին հասած փոթորիկը, հոկտեմբերի 29-ի լույս 30-ի գիշերը թուլացել է մինչեւ մրրիկի աստիճան: Սակայն աղետի աստիճանի ֆորմալ փոփոխությունները չեն խոսում վտանգի իջեցման մասին. քամու ուժգնությունը չի թուլացել եւ հասնում է ժամում 135 կմ-ի:
Ինչպես հայտնում է «Վեստի.ru»-ն, ԱՄՆ-ում 7,1 մլն. մարդ առանց էլեկտրականության է մնացել, հետաձգվել են 14 հազար ավիաչվերթներ: Վթարային պատրաստվածության հատուկ ռեժիմով է աշխատում ԱՄՆ-ի ամենահին` Նյու Ջերսիի ատոմակայանը:
Նյու Յորքում ողջ Ներքին Մանհեթենը մթության մեջ է հայտնվել, ամբողջովին հեղեղվել է Կոնի-Այլենդ թերակղզին: Քաղաքում ջրի տակ են անցել մետրոպոլիտենի 26 գծերից 7-ը: Բացի այդ, ջուրը հեղեղել է ավտոբուսային 6 կայանտեղի: Հեղեղվել են նաեւ Նյու Յորքի փողոցները, որոնց վրայով լողում է աղբը:
Տեղացի իշխանությունները վախենում են Մետրոյի թունելների ամբողջական հեղեղումից, որոնք փակվել էին անցյալ կիրակի օրը:
«Սենդի» փոթորիկը անցել է նաեւ սոցիալական ցանցերով: Միկրոբլոգների օգտատերերն արդեն տեղադրել են սարսափազդու լուսանկարներ, որոնցից մեկի վրա, օրինակ, երեւում է, թե ինչպես է շնաձուկը լողում փողոցում: Որոշ օգտատերեր նշում եմ, որ լուսանկարի իսկությունը կասկած է առաջացնում: Իսկ ահա թե ինչ են գրում միկրոբլոգները.
-Նյու Յորքը անցել է ջրի տակ… Աստված, փրկիր Նյու Յորքը:
-«Սենդիից» թաքնվել ենք նկուղում:
-Ներքին Մանհեթենում լույս չկա: Մեղավորը` «Սենդին» է:
-Հեղեղվել է Իստ Ռիվեր կայարանը:
