նախընտրելի դարձնելՍաուդյան Արաբիայում հարսանիքի ժամանակ ողբերգական միջադեպ է տեղի ունեցել։ 24 մարդ զոհվել է էլեկտրական հոսանքի հարվածից: Հարսանիքը երկրի արեւելյան շրջանում գտնվող Էյն Բադր գյուղում էր:
Ինչպես հայտնում է Al-Arabia հեռուստաալիքը, ողբերգությունը տեղի է ունեցել էլեկտրական հոսանքի լարը կտրվելու հետեւանքով: Լարման տակ գտնվող մալուխն ընկել է տան մետաղական դռան վրա։ Տանն այդ ժամանակ հարսանիք էին նշում, հայտնում է BFM.RU-ն:
Զոհվածների մեծամասնությունը կանայք են, որոնք փորձել են փրկվել եւ դուրս գալ լարման տակ գտնվող դռնից:
