Աշգաբադում նոյեմբերի սկզբին նախատեսված  ԱՊՀ Երկրների ղեկավարների խորհրդի գագաթնաժողովը տեղի կունենա դեկտեմբերի 5-ին: Գագաթնաժողովի օրվա տեղափոխության հարցը քննարկվել է հոկտեմբերի 30-ին Թուրքմենստանի նախագահ Գուրբանգուլի Բերդիմուհամեդովի եւ ԱՊՀ Գործադիր կոմիտեի  նախագահ Սերգեյ Լեբեդեւի կողմից: Ինչպես հայտնում է թուրքմենական հեռուստաընկերությունը, գագաթնաժողովի  օրը տեղափոխվել է ԱՊՀ գործադիր կոմիտեի խնդրանքով:

Լեբեդեւի խոսքով,  տեղափոխման նպատակն է այդ համաժողովներին առավել մանրամասն նախապատրաստումը, փաստաթղթերի պատրաստություն, որոնք կքննարկվեն գագթնաժողովի ընթացքում: գործադիր կոմիտեից հոկտեմբերի 26-ին հայտնել են, որ  նոր օրը համաձայնեցվել  է  Համագործակցության երկրների  ղեկավարնեի հետ, սակայն հետաձգման պատճառը չի նշվել: Reuters գործակալությունը կրկին ենթադրել է, որ հետաձգման պատճառը կարող է լինել Ռուսաստանի  նախագահի առողջական խնդիրները:

Նախկինում գործակալությունը, վկայակոչելով իր աղբյուրները, հայտնել է, որ Վլադիմիր Պուտինը  հետաձգել է արտասահմանյան մի շարք  այցելություններ առողջական խնդիրների պատճառով: Reuters-ի աղբյուրը հայտնել է, որ Վլադիմիր Պուտինը լուրջ խնդիրներ ունի մեջքի շրջանում եւ հնարավոր է վիրահատական միջամտության կարիք կունենա: Կրեմլը այս տեղեկատվությունը չի հաստատել: