նախընտրելի դարձնել
Հարավային Կորեայում ձերբակալվել է 37-ամյա տղամարդ, ով կասկածվում է մի քանի մլն մարդու անձնական տվյալների հավաքագրման մեջ: Կորեացին տվյալները հավաքել է որոնողական Google համակարգի միջոցով:
Հարվային Կորեայի` Կիմ ազգանվամբ քաղաքացու կալանավորումը իրականացվել է երկրի իրավապահ մարմինների կողմից հոկտեմբերի 30-ին, հաղորդում է Digit-ը:
Հետաքննության տվյալներով, ձերբակալվածը 2,5 տարվա ընթացքում հավաքել է 8,84 մլն մարդու տվյալները` օգտվելով ընդամենը Google որոնողական համակարգի կայքից: Տղամարդու հանած տեղեկատվության մեջ ընդգրկված են մարդկանց անունները, գրանցման տվյալները, հասցեները եւ լուսանկարներ:
Այն հարցին, թե ինչ նպատակով է նա հավաքել այդ տվյալները, տղամարդը պատասպանել է, որ նպատակ չուներ այդ տվյալներից նյութական շահույթ ստանալ:
Հաղորդվում է, որ Կիմը առանձնացված կենսակերպ է վարել, տնից դուրս չի եկել: Բացի տվյալների մեծ բազայից, նրա բնակարանում հայտնաբերվել է նաեւ պոռնոգրաֆիկ բնույթի բազմաթիվ ֆիլմերի սկավառակներ:
