նախընտրելի դարձնել
Սաուդիան Արաբիայում Այն-Դոր գյուղում հարսանիքի ժամանակ հյուրերի մահվան պատճառ է դարձել տոնակատարության ժամանակ օդ կրակելու ավանդույթը:
Հիշեցնենք, որ հաղորդվել էր հոսանքի հարվածից 24 մարդու մահվան մասին: Հյուրերը, փորձելով դուրս գալ շինությունից, բռնել են մետաղական դռնից, որը բարձր լարման տակ է հայտնվել պոկված բարձրավոլտ կաբելի պատճառով:
Ինչպես պարզաբանում է ԻՏԱՌ-ՏԱՍՍ-ը, բարձրավոլտ կաբելը կտրվել է օդ կրակելու հին արեւելյան ավանդույթի պատճառով: Ավանդույթի զոհ է դարձել 25 մարդ:
Արդյունքում լուսավորության սյան էլեկտրական կաբելը դիպչել է շինության մետաղական դռանը, որտեղ այդ ժամանակ տոնական արարողությունն է ընթացել: Հոսանքատար գծերի կտրվելու հետեւանքով կարճ միացում է տեղի ունեցել, ինչի պատճառով հրդեհվել է շինության մոտակայքում գտնվող տրանսֆորմատորային ենթակայան:
Սարսափահար հյուրերը, հիմնականում կանայք եւ երեխաները, վազել են միակ մուտքի ուղղությամբ: Մարդիկ մահացել են ակնթարթորեն` հոսանքահարվելով լարման տակ գտնվող դռնից: Բոլոր զոհվածները մեկ կլանի ներկայացուցիչներ են: Բժիշկների եզրահանգմամբ, զոհերի ինքնության իդենտիֆիկացիայի համարան հրաժեշտ կլինի ԴՆԹ-ի անալիզ իրականացնել:
