նախընտրելի դարձնել
«Kia» ընկերությունը գաղտնազերծել է հինգ մոդելների հատուկ տարբերակները, որոնք նվիրված են «DC Entertainment» ստուդիայի մտացածին «Արդարության լիգայի» կոմիքսների սուպերհերոսներին:
Ինչպես հաղորդում է «autosite»-ը, ներկայացվել է «Kia Forte Koup» -ը` նվիրված Ֆլեշին, հինգդռնանի «Rio»-ն եւ «Forte»-ն` նվիրված համապատասխանաբար Ակվամենին եւ Քիբորգին, ինչպես նաեւ «Soul»-ը` Կանաչ լապտերի եւ «Optima» մեդելը` Բեթմենի համար: Առաջին երկու մոդելների մշակմամբ զբաղվել է ամերիկյան «West Coast Customs» սրահը: Մյուս մեքենաները պատրաստել են «Rides Magazine» եւ «Super Street» ամսագրերի մասնագետները:
Բոլոր ավտոմեքենաները կվաճառվեն բարեգործական աճուրդում: Հիմա «Kia»-ն եւ «DC Entertainment»-ն աշխատում են «We Can Be Heroes» բարեգործական նախագծի վրա, որի նպատակը Սոմալիում քաղցի դեմ պայքարն է:
«Kia Forte Koup»-ը` Ֆլեշի համար
«Rio»-ն` Ակվամենի համար
«Forte»-ն` Քիբորգի համար
«Soul»-ը` Կանաչ լապտերի համար
«Optima»-ն` Բեթմենի համար
