նախընտրելի դարձնելԿոլումբիական Պրադերա քաղաքում հոկտեմբերի 31-ի պայթյունի հետեւանքով երկու մարդ զոհվել եւ 34-ը վիրավորվել են, հիմնականում՝ երեխաներ։
Պայթուցիկը հեծանիվներով տեղ են հասցրել անհայտ երկու անձինք: Իշխանությունները չեն բացառում, որ ահաբեկիչները Կոլումբիայի հեղափոխական զինված ուժերից (ԿՀԶՈՒ) են:
Պայթյունը տեղի է ունեցել քաղաքի կենտրոնական մասում` տեղական այգուց ոչ հեռու: Ահաբեկչության պահին այգում եղել են երեխաներ, որոնք նշում էին ավանդական «Կախարդների օրը»: Տուժած երեխաներից երկուսի վիճակն օրհասական է, նրանց հասցրել են Կալի քաղաքի հիվանդանոց, մնացածներին օգնություն է ցուցաբերվել տեղի հիվանդանոցում:
Ինչպես հայտնում է «ՌԻԱ Նովոստին», հարավամերիկյան երկրում արդեն կես դար է պատերազմ է ընթանում կառավարության եւ ԿՀԶՈՒ-ի միջեւ: Իշխանության ներկայացուցիչների դեմ պայքարում ապստամբները կիրառում են զենքի տարբեր տեսակներ, այդ թվում` պայթուցիկներ:
