Ռուսաստանի գլխավոր դատախազությունը ընդունել է, որ  «Արդար Ռուսաստանից»  նախկին պատգամավոր Գենադի Գուդկովին  հարկային հանցագործությունների եւ  անօրինական բիզնես վարելու հետեւանքով մանդատից զրկումը անհիմն է եղել:

Ինչպես գրում է «Նեզավիսիմայա գազետան», այս մասին հիշատակվում է ՌԴ գլխավոր դատախազության նախագահի պատասխանի մեջ` պատասխանելով ՌԴԿԿ-ի ԿԿ-ի քարտուղարի եւ պատգամավոր Վադիմ Սոլովյովի հարցմանը`կոմունսիտների վրա հարձակման գործի դանդաղ քննության վերաբերյալ:

Գրինը պաշտոնապես հաստատել է, որ  բոլոր փաստերը, որոնք  կարող էին հիմք դառնալ Գուդկովի նկատմամբ մեղադրանք ներկայացնելու եւ  քրեական գործ հարուցելու համար, մերժվել են: Հետեւաբար, նախկին պատգամավորը հարկային հացագործություն  եւ անօրինական  ձեռնարկատիրական  գործունեություն չի ծավալել, նշում է թերթը:

Ավելի վաղ NEWS.am-ը հաղորդել է, որ Ռուսաստանի Պետդուման  սեպտեմբերի 14-ին պատգամավորական մանդատից զրկել է «Արդար Ռուսաստան» խմբակցության անդամ Գենադի Գուդկովին:

Ըստ իրավապահ մարմինների` Գուդկովն ապօրինի կերպով ձեռնարկատիրական գործունեության է մասնակցել: Դատախազի տեղակալ Վլադիմիր Մալինովսկին հայտարարել է, թե պատգամավորն իբր խախտել է հակակոռուպցիոն օրենսդրությունը: Նա լինելով Պետդումայի պատգամավոր` չի դադարել զբաղվել ձեռնարկատիրությամբ, եւ շարունակում է առեւտրային գործունեություն ծավալել:

Գուդկովն իր հերթին հայտարարել է, որ Գերագույն դատարանում կբողոքարկի մանդատից զրկելու որոշումը  եւ պատրաստվում է  սեպտեմբերի  17-ին հայց ներկայացնել: