Հայաստանի կառավարությունն, այսօր՝ նոյեմբերի 1-ին, որոշում կայացրեց միջին մասնագիտական մի շարք կազմակերպություններ վերակազմավորելու եւ վերամիավորելու մասին; Երեւանի մշակույթի պետական քոլեջը կմիացվի Երեւանի թատրոնի եւ կինոյի պետական ինստիտուտին, իսկ Երեւանի էստրադային եւ ջազային արվեստի պետական քոլեջը՝ Երեւանի Կոմիտասի անվան պետական կոնսերվատորիային:

Այս միավորումները ՀՀ կրթության եւ գիտության նախարարությունը հիմնավորեց նրանով, որ այդ ուսումնական հաստատությունների կրթական ծրագրերը կրկնում են միմյանց,  սակայն ունեն տարբեր մասնագիտական մակարդակներ: