Ամենավտանգավոր բնական թույներից մեկը կարող է դառնալ  նոր սերնդի ցավազրկող դեղամիջոցի  պատրաստման հիմք: Աֆրիկյան սեւ մամբա օձի թույնի մեջ, որը մահացու է մարդու համար, ֆրանսիացի գիտնականները  առանձնացրել են հատուկ պրոտեիններ: Կրճատելով նեյրոնների էլեկտրոփոխանակումը` մամբալգինը արդյունավետորեն թեթեւացնում է ցավը, որի դեմ անզոր է անգամ մորֆին:

Ինչպես հաղորդում է BFM.RU-ն, սեւ մամբայի թույնի արագ ազդող տոքսինները գրեթե կաթվածահար են անում  ներվային համակարգը: Այս օձի թույնից հասուն մարդու մահը կարող է վրա հասնել մեկ ժամվա ընթացքում:

Գիտնականները մամբալգինը փարձարկել են  կենդանի մկների վրա: Փորձարկման արդյունքները հուսադրող  են եղել. սեւ մամբայի թույնից ստեղծած դեղամիջոցը կարող է հանգստացնել անչափ ուժեղ ցավը, որի դեմ անզոր են գոյություն ունեցող բոլոր դեղամիջոցները: