Թայվանցի «Գայլ» աղջիկ Սուպաթրա Սասուփֆանն իր հազվագյուտ հիվանդության պատճառով գրանցվել է Գինեսի ռեկորդների գրքում: 11-ամյա աղջիկը տառապում է Ամբրասի բնածին ախտանիշով կամ էլ՝ հիպերտրիխոզով։ Հիվանդությունը հանգեցնում է  ամբողջ մարմնի վրա մազածածկույթի ավելացմանը:

«Ես սովորել եմ, որ իմ դեմքի վրա մազեր են աճում` չնայած որ դրանց պատճառով միշտ չէ, որ տեսնում եմ, թե ինչ է կատարվում շուրջբոլորս: Հուսով եմ, որ երբեւէ կարող եմ դրանցից ազատվել», - ասել է Սուպատրան:

Աշխարհում Սուպատրայից բացի այդ հիվանդությամբ տառապող եւս 50 մարդ կա: Նրանց դեմքը, ականջները, ձեռքերը, ոտքերը եւ մեջքը ծածկված են մազերով, որոնք անգամ լազերային հեռացման ենթակա չեն, հակառակը,  դրանից ավելի են խտանում, հայտնում է RuFox-ը:

Սուպատրան խոստովանել է, որ  երջանիկ է` «աշխարհի ամենամազոտ աղջիկը» կոչմանն արժանանալու համար: Ըստ նրա` իր ամբողջ կյանքում մյուսներն իրեն ծաղրել են` անվանելով կապիկ կամ  «գայլ» աղջիկ: Իսկ այժմ, երբ  նա Գինեսի ռեկորդակիր է,  երեխաները դպրոցում իրեն այլ կերպ են վերաբերում: