Ներգաղթյալները Մոսկվայի քաղաքապետ Սերգեյ Սոբյանինին խնդրել են չեղյալ հայտարարել «Ռուսական երթը» կամ գոնե փոխել անցկացման օրը, որը նշանակված է նոյեմբերի 4-ին:Այս մասին հայտնել է  Ռուսաստանի Միգրանտների դաշնության ղեկավար Մուհամադ Ամին  Մաջումդերը «Իզվեստիային» տված հարցազրույցում:

Մոսկվայի քաղաքապետարանը համաձայնել է «Ռուսական երթը» անցկացնել նոյեմբերի 4-ին երկու վայրում, հետագայում  «Ռուսական երթի» կազմակերպիչները որոշել են իրականացնել միայն մեկ ակցիա, որին կմասնակցեն 10 հազար մարդ:

«Մենք չեն ընդունում «Ռուսական երթը», որի անվանումն անգամ վտանգ է ներկայացնում  բազմազգ Ռուսաստանի համար»,-ասել է Մուհամադ Ամին  Մաջումդերը: Նրա խոսքով, եթե ներգաղթյալներին չհաջողվի հետաձգել այն, նրանք գոնե պետք է փորձեն փոխել անցկացման օրը եւ վայրը: Վերջինիս կարծիքով այդ օրը զբոսնելու դուրս կգան նաեւ ներգաղթյալները, ինչը վտանգավոր կարող  է լինել նրանց համար:

Ինչպես հաղորդում է ՌԻԱ Նովոստին, ավելի  վաղ  Մոսկվային Հանրային կազմակերպությունը դիմել է  Սոբյանինին` խնդրելով  արգելել քաղաքում «Ռուսական երթի» անցկացումը, սակայն քաղաքապետարանում կարծում են, որ  մերժման համար հիմքեր չունեն:

Ստորագրածները կարծում են, որ «Ռուսական երթը» եւ նրա կազմակերպիչների գաղափարական  քարոզչությունը կարող է ազգամիջյան բախումների հանգեցնել: