նախընտրելի դարձնելՎարշավական Rzeczpospolita թերթի գլխավոր խմբագիրը, ով գրել էր Լեհաստանի նախագահի` Լեխ Կաչինսկու ինքնաթիռում պայթուցիկի առկայության մասին, հրաժարական է տվել: Հրապարակումից հետո պարբերականն ընդունել է, որ սխալ է թույլ տվել:
Տոմաշ Վրյուբլյովսկին իր հեռացման որոշումը բացատրել է պարբերականի վարկանիշը պահպանելու անհրաժեշտությամբ, ասվում է թերթի կայքում: Հեռանալուց առաջ , Վրյուբլյովսկին արձակուրդ կգնա, ինչից առաջ գործերը կփոխանցի տեղակալ Անջեյ Տալադին, հաղորդում է «Պրավդա.ru»-ն:
Հիշեցնենք, որ հոկտեմբերի 30-ին լեհական «Rzeczpospolita» թերթը սենսացիոն հոդված էր տպագրել, ըստ որի 2 շաբաթ առաջ լեհ փորձագետները Ռուսաստանից ինքնաթիռի բեկորների ուսումնասիրման սենսացիոն արդյունքներ են բերել. դրանց վրա տրոտիլի եւ նիտրոգլիցերինի հետքեր են հայտնաբերվել: Հետագայում այդ լուրը հերքել է Լեհաստանի ռազմական դատախազությունը:
Սմոլենսկում նախագահական օդանավի կործանման արդյունքում զոհվել էին 96 հոգի, նրանց թվում՝ նախագահ Լեխ Կաչինսկին, բարձրաստիճան լեհ պաշտոնայներ եւ զինվորական գործիչներ: 2011 թվականի հունվարին միջազգային ավիացիոն կոմիտեն հրապարակել էր Սմոլենսկի մոտ աղետի ենթարկված Տու-154 ինքնաթիռի ավիավթարի հետաքննության վերջնական զեկույցը, ըստ որի՝ վթարի պատճառ էր դարձել անձնակազմի ոչ բավականաչափ պատրաստվածությունը:
