Վրաստանի Զինված ուժերի Միացյալ շտաբի պետ Գիորգի Կանադաձեն հրաժարական է տվել: Այս մասին հայտնում են վրացական լրատվամիջոցները: Հիշեցնենք, որ շտաբի նոր պետին  վերջերս նշանակել  էր Միխայիլ Սահակաշվիլին խորհրդարանական ընտրություններից անմիջապես հետո:

Պաշտոնապես այս տեղեկատվությունը Պաշտպանության նախարարությունը  դեռեւս չի հաստատել, սակայն նշվում է, որ Վրաստանի պաշտպանության նոր նախարար Իրակլի Ալասանիան բանակցել է Վրաստանի նախագահ Միխայիլ Սահակաշվիլիի հետ ՄՇ-ի ղեկավարի փոփոխության շուրջ:

Ինչպես հաղորդում է «Գրուզիա Օնլայնը», Ալասանիան նպատակ ունի այս  պաշտոնի համար առաջարկել Վախթանգ Կապանաձեին: