նախընտրելի դարձնելԲաքվում ոստիկանությունը նոյեմբերի 2-ին ցրել է Ադրբեջանի Ազգային ժողովի շենքի դիմաց նախատեսված բողոքի ակցիան:
Ինչպես հայտնում է «Ազատություն» ռադիոյի թղթակիցը, այն ուղղված էր խորհրդարանում քննարկվող հավաքների անցկացման կանոնների խախտման դիմաց տուգանքների ավելացման օրինագծի դեմ:
Սակայն մինչ ակցիայի սկսվելը խորհրդարանի տարածքը ոստիկանության վերահսկողության տակ է առնվել: Չնայած անձրեւին եւ քամուն՝ ընդդիմադիր մի քանի խմբեր փորձել են հավաքվել խորհրդարանի առաջ՝ գոռալով «Հավաքների ազատություն», «Ցրել խորհրդարանը»:
Ոստիկանությունը ձերբակալությունները մեկնաբանել է նրանով, որ ակցիան արտոնված չի եղել քաղաքապետարանի կողմից: Միաժամանակ, Ազգային ժողովն օրենքում փոփոխություններ է ընդունել, որոնք խստացնում են չարտոնված հավաքների պատժամիջոցները: Տուգանքներն ավելացվել են 10 անգամ եւ հասնում են մի քանի հազար դոլարի:
