նախընտրելի դարձնել
Մարսագնաց Curiosity-ն Մարսում մեթան չի հայտնաբերել: Այդ գազը կարող էր դառնալ Կարմիր մոլորակում երբեւէ կյանքի գոյության ապացույցներից:
Մարսագնացի իրականացրած նախնական տվյալները համապատասխանում են նախկինում իրականացված մի շարք ուսումնասիրություններին, որոնք Մարսի մթնոլորտում մեթան չէին հայտնաբերել, հաղորդում է BCC-ն` վկայակոչելով ամերիկյան NASA տիեզերական գործակալությանը:
Մինչդեռ, Curiosity-ի տվյալները հակասում են մի շարք այլ ուսումնասիրությունների, որոնք ստացվել են Երկրից` աստղադիտակների միջոցով: Աստղադիտակները Մարսում ցույց են տվել մեթանի հազարավոր տոննաներ, որի առկայությունը սովորաբար օրգանիզմների կենսագործունեության հետեւանք է, հաղորդում է «gazeta.ru»-ն:
Վերջին վերլուծությունների տվյալների համաձայն` Մարսն առանձնանում է ածխածնի եւ արգոնի ծանր իզոտոպների բարձր պարունակությամբ: Curiosity-ին շարունակում է մեթանի որոնումները, սակայն, ինչպես հաղոդում է NASA-ն, եթե անգամ այն Մարսում կա, ապա միայն աննշան քանակությամբ:
