նախընտրելի դարձնել
Վրաստանի ազգային անվտանգության խորհրդի քարտուղարի տեղակալը «Վրացական երազանքի» ներկայացուցչին մեղադրել է երկրում կրոնական դիմակայությունը խրախուսելու մեջ եւ նմանատիպ գործողությունները զայրացուցիչ է անվանել:
«Կրոնի եւ դավանության ազատությունը հիմնարար իրավունք է հանդիսանում, որը պետք է պաշտպանված լինի բոլոր քաղաքացիների նկատմամբ, անընդունելի է, երբ նման դիմակայությունը խրախուսվում է քաղաքական դասի` այն էլ իշխող կուսակցության կողմից»,-հայտնել է Թամար Կինցուրաշվիլին` մեկնաբանելով Նիգվզիանի գյուղում տեղի ունեցած դեպքերը:
Անվտանգության խորհրդի պետի տեղակալը պարզաբանել է, որ ի նկատի ունի Վրաստանի խորհրդարանի փոխխոսնակ Մուրման Դումբաձեի հայտարարությունը, ով հարցազրույցներից մեկում խոսել է թուրքական ազդեցության ուժեղացման մասին եւ վստահեցրել է, որ գյուղում մզկիթը թուրքերն են կառուցում:
Կինցուրաշվիլին կոչ է արել իշխող կուսակցությանը եւ իրավապահ մարմիններին ապահովել Վրաստանում դավանական ազատությունը` նշելով, որ նման դիմակայությունները վտանգավոր է երկրի համար:
Ինչպես հայտնում է «Նովոստի-Գրուզիա» գործակալությունը, նոյեմբերի 2-ին տեղական լրատվամիջոցներում տեղեկություն է հայտնվել այն մասին, որ Նիգվզիանի գյուղում տեղացի ուղղափառ բնակիչների խումբը թույլ չի տվել մահմեդական այցելուների մուտքը աղոթատուն:
