Ադրբեջանը փորձում է «Ստեփանակերտ» օդանավակայանի բացման հարցը քաղաքականացնել: Այս մասին  հայտնել է ԼՂՀ-ի նախագահի մամուլի քարտուղար Դավիթ Բաբայանը` NEWS.am-ի թղթակցի խնդրանքով մեկնաբանելով  ԱՄՆ-ի  պետդեպարտամենտի` օդանավակայանի վերաբերյալ հնչեցրած հայտարարությունը:

««Ստեփանակերտ» օդանավակայնի բացումը քաղաքական նպատակներ չի հետապնդում: ԼՂՀ ղեկավարությունը բազմիցս ասել է այս մասին: Ադրբեջանը, ընդհակառակը, փորձում է քաղաքականացնել ու շահարկել այս հարցը»,- ընդգծել է Դավիթ Բաբայանը:

Մեկնաբանելով Պետդեպարտամենտի ներկայացուցիչ  Վիկտորիա Նուլանդի հայտարարությունը, ըստ որ «տվյալ օդանավակայանի օդանավակայանի գործարկումը չպետք է համարվի Լեռնային Ղարաբաղի կարգավիճակում փոփոխության գործոն»` ԼՂՀ նախագահի մամուլի քարտուղարը  հայտնել է. «Մեզ համար Լեռնային Ղարաբաղի կարգավիճակը դե յուրե եւ դե ֆակտո վաղուց է պարզաբանվել: Լեռնային Ղարաբաղը երբեք չի եղել Ադրբեջանի կազմում, այլ միայն` Խորհրդային ժամանակներում ստեղծված Ադրբեջանի մի մասը»:

Դավիթ Բաբայանը հիշեցնում է, որ օդանավակայանի բացումը հետապնդում է խիստ խաղաղ նպատակներ: «Այն սոցիալ-տնտեսական օբեկտ է, որը կնպաստի երկրի զարգացմանը»,-նշել է Դավիթ Բաբայանը:

Հիշեցնենք, որ Ստեփանակերտի օդանավակայանը բացվել է, սակայն  թռիչքներ դեռեւս չեն իրականացվում: Ստեփանակերտի օդանավակայանի աշխատանքների վերսկսումը հիստերիա է առաջացնում  Ադրբեջանի մոտ: Այնտեղից անընդմեջ սպառնալիքներ են հնչում «հարվածել» կամ «նստեցնել» Ստեփանակերտ մեկնող ինքնաթիռները: Նմանատիպ սպառնալիքները ուղիղ հակասում են  քաղաքացիական ավիացիայի ոլորտում  առկա  միջազգային օրենսդրությանը: